> ទិវាចូលឆ្នាំសកល

នៅមុនថ្ងៃចូលឆ្នាំសកលមួយថ្ងៃ ក្រសួងទេសចរណ៍នឹងបង្កើតនូវកម្មវិធីឆ្លងឆ្នាំនៅខាងមុខសណ្ឋាគារណាហ្គាវើលក្នុងទីក្រុងភ្នំពេញ។ ពិធីនេះនឹងត្រូវបានចូលរួមដោយមន្ត្រីរាជការមកពីស្ថាប័នរដ្ឋ និងឯកជនជាច្រើនដើម្បីអបអរឆ្នាំថ្មី ឆ្នាំសកលនេះ។
ថ្ងៃសុក្រ ទី០១ ខែមករា ឆ្នាំ២០២១

> ទិវាជ័យជំនះលើរបបប្រល័យពូជសាសន៍

ជាថ្ងៃជោគជ័យដែលរំឭកដល់ការបញ្ចប់នៃរបរប្រល័យពូជសាសន៍ប៉ុលពត។ ពិធីដ៏សំខាន់នេះត្រូវបានបង្ហាញដោយក្បួនព្យុហយាត្រា ឡានដង្ហែ និងជាសមិទ្ធិផលជាតិដ៏ធំផងដែរ។ ទូទាំងទីក្រុង ទង់ជាតិ និងក្រណាត់ តំណាងឲ្យមោទនភាពជាតិត្រូវបានគេដាក់តុបតែងនៅខាងមុខហាង និងផ្ទះ គ្រប់ដងវិថី។
ថ្ងៃព្រហស្បតិ៍ ទី០៧ ខែមករា ឆ្នាំ២០២១

> ទិវានារីអន្តរជាតិ

ទិវានារីអន្តរជាតិ គឺជាថ្ងៃសកលមួយ អបអរដល់ស្នាដៃរបស់នារីនៅក្នុងសង្គម នយោបាយ និងសេដ្ឋកិច្ច ហើយដើម្បីបង្ហាញនូវការគោរព ការទទួលស្គាល់ និងស្រលាញ់ដល់នារី។
ថ្ងៃចន្ទ ទី០៨ ខែមីនា ឆ្នាំ២០២១

> ពិធីបុណ្យចូលឆ្នាំខ្មែរប្រពៃណីជាតិ

ពិធីបុណ្យចូលឆ្នាំខ្មែរប្រពៃណីជាតិត្រូវបានគេប្រារព្វធ្វើឡើងនៅថ្ងៃទី១៣ ឬទី១៤ ខែមេសាជារៀងរាល់ឆ្នាំ។ ថ្ងៃឈប់សម្រាកឆ្នាំថ្មីនេះមានបីថ្ងៃ។ ពិធីបុណ្យនេះបង្ហាញពីការបញ្ចប់នៃរដូវច្រូតកាត់នៅពេលដែលប្រជាជនខ្មែរសប្បាយរីករាយនឹងទិន្នផលដែលទទួលបានពីការប្រឹងប្រែងកន្លងមក និងជាពេលសម្រាកកម្សាន្តមុនពេលរដូវវស្សាចាប់ផ្តើមសាជាថ្មី។
ថ្ងៃពុធ ទី១៤ ខែមេសា ឆ្នាំ២០២១
ថ្ងៃព្រហស្បតិ៍ ទី១៥ ខែមេសា ឆ្នាំ២០២១
ថ្ងៃសុក្រ ទី១៦ ខែមេសា ឆ្នាំ២០២១

> ពិធីបុណ្យវិសាខបូជា

ពិធីបុណ្យពិសាខបូជា ជាថ្ងៃរំឭកដល់ថ្ងៃប្រសូត និងត្រាស់ដឹងរបស់ព្រះពុទ្ធ។

ថ្ងៃចន្ទ ទី២៦ ខែមេសា ឆ្នាំ២០២១

> ព្រះរាជពិធីច្រតព្រះនង្គ័ល

ពិធីបុណ្យច្រត់ព្រះនង្គ័លត្រូវបានប្រារព្វធ្វើឡើងនៅដើមរដូវសាបព្រោះ និងដាំដុះ។ ជារៀងរាល់ឆ្នាំក្នុងខែឧសភា ពិធីបុណ្យមួយនេះត្រូវបានប្រារព្វធ្វើឡើងនៅវាលមេរុនៅខាងមុខសារមន្ទីរជាតិ (ជាប់ព្រះបរមរាជវាំង )។

ថ្ងៃសុក្រ ទី៣០ ខែមេសា ឆ្នាំ២០២១

> ទិវាពលកម្មអន្តរជាតិ

ទិវាពលកម្មអន្តរជាតិគឺជាថ្ងៃឈប់សម្រាកប្រចាំឆ្នាំដើម្បីអបអរនូវជោគជ័យរបស់ពលករនៅក្នុងសង្គម និងសេដ្ឋកិច្ច។ ទិវាពលកម្មអន្តរជាតិមានដើមកំណើតមកពីចលនាសហជីពដែលផ្តោតទៅលើចលនាប្រាំបីម៉ោងក្នុងមួយថ្ងៃដែលគាំទ្រឲ្យបែងចែកប្រាំបីម៉ោងសម្រាប់ធ្វើការប្រាំបីម៉ោងសម្រាប់កម្សាន្ត និងប្រាំបីម៉ោងទៀតសម្រាប់សម្រាក។
ថ្ងៃសៅរ៍ ទី០១ ខែឧសភា ឆ្នាំ២០២១

> ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

ព្រះរាជពិធីនេះគឺត្រូវបានប្រារព្វធ្វើឡើងនៅក្នុងព្រះបរមរាជវាំង ហើយកាំជ្រួចត្រូវបានគេបាញ់បង្ហាញនៅលើទន្លេសាប ពីថ្ងៃទី១៣ ដល់១៥ ខែមេសា ដើម្បីគោរពដល់ព្រះករុណាព្រះបាទសម្តេច ព្រះបរមនាថ នរោត្តម សីហមុនី ជាបុត្ររបស់ព្រះករុណាព្រះបាទនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យជាតិ បូរណភាពទឹកដី និងឯកភាពជាតិខ្មែរ។ ទ្រង់បានប្រសូតនៅថ្ងៃទី១៤ ខែឧសភា ឆ្នាំ១៩៥៣ នៅទីក្រុងភ្នំពេញ។
ថ្ងៃសុក្រ ទី១៤ ខែឧសភា ឆ្នាំ២០២១

> ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល

ថ្ងៃសុក្រ ទី១៨ ខែមិថុនា ឆ្នាំ២០២១

> ទិវាប្រកាសរដ្ឋធម្មនុញ្ញ

ទិវាប្រកាសរដ្ឋធម្មនុញ្ញ រំឮកដល់ការប្រកាសរដ្ឋធម្មនុញ្ញនៃព្រះរាជាណាចក្រកម្ពុជា នៅថ្ងៃទី២៤ ខែកញ្ញា ឆ្នាំ១៩៩៣។
ថ្ងៃសុក្រ ទី២៤ ខែកញ្ញា ឆ្នាំ២០២១

> ពិធីបុណ្យភ្ជុំបិណ្ឌ

នៅថ្ងៃទី៣០ខែកញ្ញា ពិធីបុណ្យភ្ជុំបិណ្ឌ គឺពិធីបុណ្យមួយដ៏សំខាន់ប្រចាំឆ្នាំ នៅក្នុងផ្នែកសាសនា និងវប្បធម៌ ដែលត្រូវបានគេធ្វើឡើងដើម្បី ឧទ្ទិសដល់វិញ្ញាណក្ខន្ធអ្នកដែលបានចែកឋានទៅ រួមមានសាច់ញាតិ និងជីដូនជីតាជាដើម។
ថ្ងៃអង្គារ ទី៥ ខែតុលា ឆ្នាំ២០២១
ថ្ងៃពុធ ទី៦ ខែតុលា ឆ្នាំ២០២១
ថ្ងៃព្រហស្បិ៍ ទី៧ ខែតុលា ឆ្នាំ២០២១

> ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ

ពិធីនេះ ប្រារព្វធ្វើឡើងយ៉ាងអធិកអធម នៅក្នុងព្រះបរមរាជវាំង និងនៅស្ថាប័នរដ្ឋទាំងអស់ នៅថ្ងៃទី១៥ ខែតុលា ជារៀងរាល់ឆ្នាំ ដើម្បីគោរពបូជាដល់ព្រះករុណា ព្រះបាទ សម្តេចព្រះនរោត្តម សីហនុ ឬព្រះបរមរតនកោដិ នៃព្រះមហាវីរក្សត្រនៃប្រទេសកម្ពុជា។ ព្រះអង្គប្រសូតនៅទីក្រុងភ្នំពេញប្រទេសកម្ពុជា នៅថ្ងៃទី៣១ខែតុលា ឆ្នាំ១៩២២ហើយព្រះអង្គសោយទិវង្គតនៅទីក្រុងប៉េកាំង សាធារណរដ្ឋប្រជាមានិតចិន នៅថ្ងៃទី១៥ ខែតុលា ឆ្នាំ២០១២។
ថ្ងៃសុក្រ ទី១៥ ខែតុលា ឆ្នាំ២០២១

> ព្រះរាជពិធីគ្រងព្រះបរមរាជសម្បត្តិរបស់ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

ថ្ងៃសុក្រ ទី២៩ ខែតុលា ឆ្នាំ២០២១

> ពិធីបុណ្យឯករាជ្យជាតិ

បុណ្យឯករាជ្យជាតិ ត្រូវបានប្រារព្វធ្វើឡើងនៅវិមានឯករាជ្យ ជាទីប្រសព្វនៃមហាវិថី ព្រះនរោត្តម និងមហាវិថីព្រះសីហនុ ដើម្បីរំឭកដល់ថ្ងៃដែលប្រទេសកម្ពុជា ទទួលបាន ឯករាជ្យពីបារាំង នៅថ្ងៃទី០៩ ខែវិច្ឆិកា ឆ្នាំ១៩៥៣។ ពិធីដ៏សំខាន់នេះ គឺត្រូវបានប្រារព្វឡើង ដោយមានក្បួនព្យុហយាត្រា ឡានដង្ហែ និងជាសមិទ្ធិផលជាតិដ៏សំខាន់ផងដែរ។ ទូទាំងទីក្រុង ទង់ជាតិ និងក្រណាត់ តំណាងឲ្យមោទនភាពជាតិ ត្រូវបានគេដាក់តុបតែងនៅខាងមុខហាង និងផ្ទះ គ្រប់ដងវិថី។
ថ្ងៃអង្គារ ទី០៩ ខែវិច្ឆិកា ឆ្នាំ២០២១

> ព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក

ព្រះរាជពិធីនេះ ត្រូវបានប្រារព្វធ្វើឡើងនៅមុខព្រះបរមរាជវាំង ជាសញ្ញានៃការផ្លាស់ប្តូរលំហូរ ទឹកមកពីទន្លេសាប រដូវនេសាទ និងរដូវទឹកស្រក ហើយដើម្បីជាការអរគុណដល់ទន្លេមេគង្គ ដែលបានផ្តល់នូវដីល្បាប់មានជីជាតិ និងត្រីដ៏ច្រើនក្រៃលែងផងដែរ។ លើសពីនេះទៅទៀត ក៏មានការប្រណាំងទូក ដែលបង្ហាញពីភាពអង់អាចក្លាហាននៃកងទ័ពជើងទឹកខ្មែរ ក្នុងសម័យអណាចក្រខ្មែរផងដែរ។ ប្រជាជនរស់នៅតាមបណ្តាខេត្តនានា តែងតែនាំគ្នាមកភ្នំពេញ ដើម្បីចូលរួមក្នុងព្រះរាជពិធីបុណ្យមួយនេះ។
ថ្ងៃព្រហស្បិ៍ ទី១៨ ខែវិច្ឆិកា ឆ្នាំ២០២១
ថ្ងៃសុក្រ ទី១៩ ខែវិច្ឆិកា ឆ្នាំ២០២១
ថ្ងៃសៅរ៍ ទី២០ ខែវិច្ឆិកា ឆ្នាំ២០២១