នៅល្ងាចថ្ងៃទី០៥ ខែកញ្ញា ឆ្នាំ២០១៩ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានដឹកនាំគណៈប្រតិភូអញ្ជើញទៅបំពេញទស្សនកិច្ចការងារនៅសាធារណរដ្ឋប្រជាធិបតេយ្យប្រជាមានិតឡាវ ពីថ្ងៃទី០៥-០៦ ខែកញ្ញា ឆ្នាំ២០១៩ ។

នៅល្ងាចថ្ងៃទី ៣០ ខែសីហា ឆ្នាំ២០១៩ ឯកឧត្តមឧបនាយករដ្ឋមន្រ្តី ប្រាក់ សុខុន បានអញ្ជើញចូលរួមក្នុងពិធីបើកជាផ្លូវការនៃពិធីរំលឹកខួបអនុស្សាវរីយ៍លើកទី២០ នៃការធ្វើប្រជាមតិរបស់ប្រជាជនទីម័រឡេស្តេ (៣០ សីហា ១៩៩៩-៣០ សីហា ២០១៩)។

នៅល្ងាចថ្ងៃទី២៧ ខែសីហា ឆ្នាំ២០១៩ ឯកឧត្តមឧបនាយករដ្ឋមន្រ្តី ប្រាក់ សុខុន តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញទៅកាន់ទីក្រុងឌីលី ប្រទេសទីម័រឡេស្តេ ដើម្បីចូលរួមក្នុងពិធីរំលឹកខួបអនុស្សាវរីយ៍លើកទី ២០ នៃការធ្វើប្រជាមតិរបស់ប្រជាជនទីម័រឡេស្តេ (៣០ សីហា ១៩៩៩-៣០ សីហា ២០១៩) ។

នៅព្រឹកថ្ងៃទី ២១ ខែសីហា ឆ្នាំ ២០១៩ នៅទីស្តីការក្រសួង ឯកឧត្តមឧបនាយករដ្ឋមន្រ្តី ប្រាក់ សុខុន និងសមភាគីវៀតណាម ឯកឧត្តមឧបនាយករដ្ឋមន្រ្តី Pham Binh Minh រដ្ឋមន្រ្តីការបរទេសនៃសាធារណរដ្ឋសង្គមនិយមវៀតណាម បានអញ្ជើញធ្វើជាសហប្រធានកិច្ចប្រជុំគណៈកម្មការចម្រុះកម្ពុជា-វៀតណាម លើកទី១៧ ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកទេស។

នៅរសៀលថ្ងៃទី ១៤ ខែសីហា ឆ្នាំ២០១៩ នៅទីស្តីការក្រសួង ឯកឧត្តម ឧបនាយករដ្ឋមន្រ្តី ប្រាក់ សុខុន បានអនុញ្ញាតឲ្យឯកឧត្តម ហ៊ីដេហ៊ីសា ហូរីណូអ៊ុជិ (Hidehisa HORINOUCHI) ឯកអគ្គរាជទូតជប៉ុនប្រចាំកម្ពុជា ចូលជួបសម្តែងការគួរសម និងជម្រាបលា ក្នុងឱកាសដែលឯកឧត្តម បានបញ្ចប់បេសកកម្មការទូតនៅកម្ពុជា។

ឯកឧត្តមឧបនាយករដ្ឋមន្រ្តី ប្រាក់ សុខុន អញ្ជើញចូលរួមសម្ពោធអគារថ្មីរបស់លេខាធិការដ្ឋានអាស៊ាននៅទីក្រុងហ្សាការតា នៅថ្ងៃទី ៨ ខែសីហា ឆ្នាំ២០១៩។