ព័ត៌មានស្ថានតំណាងកម្ពុជានៅក្រៅប្រទេស
- ខែកក្កដា 31, 2017
ស្ថានឯកអគ្គរាជទូតកម្ពុជាអន្តរាគមន៍ជួយពលរដ្ឋខ្មែរចំនួន ០៨នាក់ ទៀត ឲ្យត្រឡប់ទៅកម្ពុជាវិញ
ពលករទាំង ០៨នាក់ បានជិះរថយន្តកាត់តាមប្រទេសថៃមកម៉ាឡេស៊ីខុសច្បាប់ ធ្វើការនៅរោងចក្រឈើ ពីខែមីនា ឆ្នាំ២០១៧។ នៅថ្ងៃទី២៤ ខែកក្កដា ឆ្នាំ២០១៧ ពលករ ពលការិនី ០៨នាក់ ខាងលើ បានមក ស្ថានទូត ស្នើសុំជួយឲ្យបានត្រឡប់ទៅកម្ពុជាវិញ ដើម្បីជៀសវាងពីប្រតិបត្តិការឃាត់ខ្លួនជនអន្តោប្រវេសន៍ខុសច្បាប់របស់ អាជ្ញាធរម៉ាឡេស៊ី។
ស្ថានទូតបានចេញលិខិតបើកផ្លូវ និងសម្របសម្រួលជាមួយការិយាល័យអន្តោប្រវេសន៍ម៉ាឡេស៊ី ហើយពលករ ពលការិនីទាំង ០៨នាក់ បានទៅដល់ភ្នំពេញ នៅថ្ងៃទី២៩ ខែកក្កដា ឆ្នាំ២០១៧។
ក្នុងអំឡុងពេលរង់ចាំត្រឡប់ទៅកម្ពុជាវិញ ស្ថានទូតបានផ្តល់ការស្នាក់នៅ និងម្ហូបអាហារបរិភោគជូន ពលករ ពលការិនីទាំង០៨នាក់ ខាងលើ ផងដែរ។
