ព័ត៌មានស្ថានតំណាងកម្ពុជានៅក្រៅប្រទេស
- ខែវិច្ឆិកា 28, 2019
ឯកឧត្តម ចឺយ វិចិត្ត ឯកអគ្គរាជទូតកម្ពុជាប្រចាំប្រទេសម៉ាឡេស៊ី ជួបជាមួយឯកអគ្គរដ្ឋទូតអាស៊ែបៃហ្សង់ និងឯកអគ្គរដ្ឋទូតឡាវ
នៅថ្ងៃទី២៨ ខែវិច្ឆិកា ឆ្នាំ២០១៩ ឯកឧត្តម ចឺយ វិចិត្ត ឯកអគ្គរាជទូតតែងតាំងនៃព្រះរាជាណាចកម្ពុជាប្រចាំប្រទេសម៉ាឡេស៊ី បានជួបសម្តែងការគួរសមជាបន្តបន្ទាប់ជាមួយ ឯកឧត្តមព្រឹទ្ធទូត Qaley Allahverdiyev ឯកអគ្គរដ្ឋទូតតអាស៊ែបៃហ្សង់ប្រចាំប្រទេសម៉ាឡេស៊ី និងឯកឧត្តម Houmdaophone Soukhaseum ឯកអគ្គរដ្ឋទូតឡាវប្រចាំប្រទេសម៉ាឡេស៊ី។
ក្នុងជំនួបទាំងពីរខាងលើនេះ ឯកឧត្តមឯកអគ្គរាជទូត បានពិភាក្សាផ្លាស់ប្តូរទស្សនៈអំពីការរឹតចំណង
ទំនាក់ទំនងរវាងស្ថានបេសកកម្ម និងស្ថានបេសកកម្ម និងលទ្ធភាពដើម្បីពង្រឹងកិច្ចសហប្រតិបត្តិការ
រវាងប្រទេសនិងប្រទេសតាមរយៈស្ថានបេសកកម្មរបស់ខ្លូនប្រចាំនៅប្រទេសម៉ាឡេស៊ី។ ការសន្ទនាក៏បានផ្តោតទៅលើការសង្កេតអំពីសភាពការណ៍នយោបាយនិងសេដ្ឋកិច្ចនៅក្នុងប្រទេសម្ចាស់ផ្ទះ ព្រមទាំងនិន្នាការនយោបាយនៅក្នុងតំបន់អាស៊ាន និងក្រៅតំបន់ផងដែរ។
