សេចក្តីប្រកាសព័ត៌មាន
- ខែមករា 30, 2017
ឯកឧត្តម ធិន ច (U Htin Kyaw) ប្រធានាធិបតីនៃសាធារណរដ្ឋសហភាពមីយ៉ាន់ម៉ា នឹងដឹកនាំគណៈប្រតិភូអញ្ជើញមកបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ពីថ្ងៃទី ០៣ ដល់ ០៦ ខែ កុម្ភៈ ឆ្នាំ ២០១៧។
តបតាមការអញ្ជើញរបស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ឯកឧត្តម ធិន ច (U Htin Kyaw) ប្រធានាធិបតីនៃសាធារណរដ្ឋសហភាពមីយ៉ាន់ម៉ា នឹងដឹកនាំគណៈប្រតិភូអញ្ជើញមកបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ពីថ្ងៃទី ០៣ ដល់ ០៦ ខែ កុម្ភៈ ឆ្នាំ ២០១៧។
ក្នុងអំឡុងពេលទស្សនកិច្ចនេះ ឯកឧត្តម ធិន ច នឹងចូលក្រាបបង្គំគាល់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅព្រះបរមរាជវាំង។
ឯកឧត្តម ធិន ច នឹងមានជំនួបទ្វេភាគីជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។
មុនពេលបញ្ចប់ដំណើរទស្សនកិច្ចផ្លូវរដ្ឋនៅកម្ពុជា ឯកឧត្តមប្រធានាធិបតី ធិន ច ក៏នឹងអញ្ជើញទៅទស្សនាប្រាសាទអង្គរនៅខេត្តសៀមរាប ផងដែរ។
ភ្នំពេញ, ថ្ងៃទី៣០ ខែ មករា ឆ្នាំ ២០១៧