សេចក្តីប្រកាសព័ត៌មាន
- ខែឧសភា 31, 2017
ស្ថានតំណាងកម្ពុជាប្រចាំប្រទេសវៀតណាម សម្របសម្រួលជួយដល់ពលករខ្មែរ ១៧នាក់
ស្ថានឯកអគ្គរាជទូតកម្ពុជាប្រចាំប្រទេសវៀតណាម បានរាយការណ៍ជូនក្រសួងការបរទេស និងសហប្រតិបត្តិការអន្តរជាតិ ថាមានពលករខ្មែរចំនួន ១៧នាក់ ដូចខាងក្រោម ត្រូវបាននគរបាលសមុទ្រវៀតណាមឃាត់ខ្លួន កាលពីថ្ងៃទី ២១ ខែឧសភា ឆ្នាំ២០១៧ ក្នុងពេលឃាត់នាវារបស់ថៃ ០៣គ្រឿង (VOR LUCKY, BPP3, HAKUYO MARU) និងនាវានេសាទវៀតណាម ០៤គ្រឿង ដែលកំពុងធ្វើសកម្មភាពជួញដូរ និងដឹកជញ្ជូនប្រេងខុសច្បាប់ នៅក្នុងដែនសមុទ្រវៀតណាម។ បច្ចុប្បន្នពលករខ្មែរទាំង១៧នាក់ កំពុងត្រូវបានឃុំខ្លួនបណ្តោះអាសន្ននៅលើកោះ Phu Quoc ខេត្ត Kien Giang ប្រទេសវៀតណាម។
១. ឈ្មោះ ស្នា អាយុ ៣០ឆ្នាំ មកពីខេត្តសៀមរាប
២. ឈ្មោះ ប៉ុន អាយុ ៣៥ឆ្នាំ មកពីខេត្តសៀមរាប
៣. ឈ្មោះ សុធា អាយុ ២៤ឆ្នាំ មកពីខេត្តសៀមរាប
៤. ឈ្មោះ ទួល អាយុ ២៣ឆ្នាំ មកពីខេត្តសៀមរាប
៥. ឈ្មោះ ចិន វិន អាយុ ២៥ឆ្នាំ មកពីខេត្តសៀមរាប
៦. ឈ្មោះ អ៊ុំ វុធ អាយុ ៣៥ឆ្នាំ មកពីខេត្តសៀមរាប
៧. ឈ្មោះ កេង ហឿ អាយុ ៣៤ឆ្នាំ មកពីខេត្តសៀមរាប
៨. ឈ្មោះ ឌឿង ភី អាយុ ២៦ឆ្នាំ មកពីខេត្តសៀមរាប
៩. ឈ្មោះ គង់ រ៉ា អាយុ ២៤ឆ្នាំ មកពីខេត្តសៀមរាប
១០. ឈ្មោះ ហុង សុភាព អាយុ ៣០ឆ្នាំ មកពីខេត្តសៀមរាប
១១. ឈ្មោះ ផាត អាយុ ២៥ឆ្នាំ មកពីខេត្តសៀមរាប
១២. ឈ្មោះ សួល អាយុ ៥០ឆ្នាំ មកពីខេត្តកំពង់ធំ
១៣. ឈ្មោះ សៀត អាយុ ១៨ឆ្នាំ មកពីខេត្តកំពង់ធំ
១៤. ឈ្មោះ វៀម អាយុ ២៥ឆ្នាំ មកពីខេត្តកំពង់ធំ
១៥. ឈ្មោះ អេង ធួល អាយុ ២៣ឆ្នាំ មកពីខេត្តកំពង់ចាម
១៦. ឈ្មោះ ឆាត អាយុ ៣៥ឆ្នាំ មកពីខេត្តកំពង់ចាម
១៧. ឈ្មោះ គា ធី អាយុ ៣៨ឆ្នាំ មកពីខេត្តកោះកុង
ក្រោយទទួលបានដំណឹងពីការឃាត់ខ្លួននេះ ស្ថានទូតបានជូនដំណឹង និងស្នើស្ថានអគ្គកុងស៊ុលកម្ពុជាប្រចាំទីក្រុងហូជីមិញ ចុះទៅជួបសួរសុខទុក្ខពលករខ្មែរទាំង ១៧នាក់ និងសម្របសម្រួលជាមួយអាជ្ញាធរវៀតណាម ដើម្បីរៀបចំមាតុភូមនិវត្តន៍ពួកគាត់មកកម្ពុជាវិញ។
ភ្នំពេញ, ថ្ងៃទី៣១ ខែ ឧសភា ឆ្នាំ ២០១៧