សេចក្តីប្រកាសព័ត៌មាន
- ធ្នូ ២៦, ២០១៦
មាតុភូមិនិវត្តន៍របស់ពលករ-ពលការិនីខ្មែរចំនួន១១នាក់ ពីប្រទេសម៉ាឡេស៊ី
ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានរៀបចំមាតុភូមិនិវត្តន៍របស់ពលករ-ពលការិនីខ្មែរចំនួន១១នាក់ ដូចខាងក្រោម៖
១. អ៊.ស.ជ ភេទស្រី អាយុ២២ឆ្នាំ មកពីស្រុកឆ្លូង ខេត្តក្រចេះ
២. ឆ.ប ភេទប្រុស អាយុ១៧ឆ្នាំ មកពីស្រុកបាទី ខេត្តតាកែវ
៣. រ.ម៉ ភេទប្រុស អាយុ៣០ឆ្នាំ មកពីស្រុកដំបែរ ខេត្តត្បូងឃ្មុំ
៤. រ.ប.ស ភេទប្រុស អាយុ២១ឆ្នាំ មកពីស្រុកដំបែរ ខេត្តត្បូងឃ្មុំ
៥. ភ.ច ភេទប្រុស អាយុ២៦ឆ្នាំ មកពីស្រុកត្បូងឃ្មុំ ខេត្តត្បូងឃ្មុំ
៦. ស.ស ភេទប្រុស អាយុ៣១ឆ្នាំ មកពីស្រុកត្បូងឃ្មុំ ខេត្តត្បូងឃ្មុំ
៧. ផ.ស.វ ភេទប្រុស អាយុ២៨ឆ្នាំ មកពីស្រុកត្បូងឃ្មុំ ខេត្តត្បូងឃ្មុំ
៨. គ.ល ភេទប្រុស អាយុ២២ឆ្នាំ មកពីស្រុកត្បូងឃ្មុំ ខេត្តត្បូងឃ្មុំ
៩. ស.ច.ណ ភេទប្រុស អាយុ២៧ឆ្នាំ មកពីស្រុកត្បូងឃ្មុំ ខេត្តត្បូងឃ្មុំ។
ពលករ-ពលការិនីទាំង០៩នាក់ខាងលើ ត្រូវបានមិត្តភក្តិនាំទៅធ្វើការខុសច្បាប់នៅរោងចក្រ ប្លាស្ទីកក្នុងប្រទេសម៉ាឡេស៊ី កាលពីខែមិថុនា ឆ្នាំ២០១៦។ ដោយធ្វើការលំបាក ពួកគេបានទៅស្ថានទូត នៅថ្ងៃទី១៩ ខែធ្នូ ស្នើសុំជួយឲ្យបានត្រឡប់មកកម្ពុជាវិញ។ ស្ថានទូតបានសម្របសម្រួលដោះស្រាយជាមួយការិយាល័យអន្តោប្រវេសន៍ម៉ាឡេស៊ី។
១០. ពលការិនីខ្មែរឈ្មោះ ក.ស.រ អាយុ៣០ឆ្នាំ មកពីស្រុកត្រាំកក់ ខេត្តតាកែវ បានទៅម៉ាឡេស៊ីធ្វើការងារផ្ទះ ពីថ្ងៃទី២៥ ខែមីនា ឆ្នាំ២០១៦ តាមរយៈក្រុមហ៊ុនមួយនៅកម្ពុជា ។ ដោយធ្វើការលំបាក នាងបានទៅស្ថានទូតនៅថ្ងៃទី១៣ ខែធ្នូ ឆ្នាំ២០១៦ ស្នើសុំជួយឲ្យបានត្រឡប់មកកម្ពុជាវិញ។ នៅល្ងាចថ្ងៃទី២២ ខែធ្នូ ក្រោមកិច្ចអន្តរាគមន៍របស់ស្ថានទូត និយោជករបស់ពលការិនី ក.ស.រ បានយល់ព្រមប្រគល់លិខិតឆ្លងដែន និងសំបុត្រយន្តហោះដល់នាង។
ពលករ-ពលការិនីចំនួន១០នាក់ ខាងលើ បានមកដល់ព្រលានយន្តហោះអន្តរជាតិភ្នំពេញ នៅថ្ងៃទី២៣ ខែធ្នូ ឆ្នាំ២០១៦ វេលាម៉ោង ១៦:០០នាទី តាមជើងយន្តហោះ AK534 ។
១១. ពលការិនី រ.ស.រ អាយុ២៨ឆ្នាំ មកពីខេត្តបាត់ដំបង បានទៅធ្វើការងារតាមផ្ទះក្នុងប្រទេសម៉ាឡេស៊ី ពីខែធ្នូ ឆ្នាំ២០០៩ តាមរយៈក្រុមហ៊ុនមួយនៅកម្ពុជា។ កិច្ចសន្យាការងាររបស់ពលការិនី ត្រូវផុតកំណត់ក្នុងខែធ្នូ ឆ្នាំ២០១៦នេះ ហើយនាងមានបំណងវិលត្រឡប់មកកម្ពុជាវិញ។ តាមការស្នើសុំ របស់ស្ថានទូត និយោជកបានប្រគល់ជូនពលការិនីនូវប្រាក់ខែរបស់នាងទាំងអស់ចំនួន៩០០០ដុល្លារអាមេរិក លិខិតឆ្លងដែន និងសំបុត្រយន្តហោះ ។ពលការិនី រ.ស.រ បានមកដល់ព្រលានយន្តហោះអន្តរជាតិភ្នំពេញ នៅថ្ងៃទី ២៤ ខែ ធ្នូ ឆ្នាំ២០១៦ វេលាម៉ោង១៧:៣០នាទី តាមជើងយន្តហោះ
MH762 ។ក្នុងអំឡុងពេលរង់ចាំត្រឡប់មកកម្ពុជា ស្ថានទូតបានផ្តល់កន្លែងស្នាក់នៅ និងអាហារបរិភោគ ជូនដល់ ពលករ-ពលការិនីទាំង១១នាក់ ផងដែរ៕
ភ្នំពេញ, ថ្ងៃទី ២៦ ខែ ធ្នូ ឆ្នាំ ២០១៦