សេចក្តីប្រកាសព័ត៌មាន
- កុម្ភៈ ២៤, ២០១៧
មាតុភូមិនិវត្តន៍របស់ពលរដ្ឋខ្មែរ១១នាក់ ពីប្រទេសវៀតណាម
ស្ថានអគ្គកុងស៊ុលកម្ពុជាប្រចាំទីក្រុងហូជីមិញ ប្រទេសវៀតណាម បានសហការជាមួយអាជ្ញាធរវៀតណាម រៀបចំមាតុភូមិនិវត្តន៍របស់ពលរដ្ឋខ្មែរចំនួន១១នាក់ (ក្នុងនោះ កុមារមានចំនួន៧នាក់) ដែលចូលទៅសុំទាន និងលក់ឆ្នោតខុសច្បាប់នៅក្នុងទីក្រុងហូជីមិញ។
ពលរដ្ឋទាំង១១នាក់ មានអាយុចន្លោះពី៣ឆ្នាំដល់៧៧ឆ្នាំ មកពីស្រុកចន្រ្ទា និងស្រុកកំពង់រោទិ៍ ខេត្តស្វាយរៀង(១០នាក់) និងស្រុកកំពង់ត្របែក ខេត្តព្រៃវែង(១នាក់) ត្រូវបានអាជ្ញាធរវៀតណាម អោយស្នាក់នៅបណ្តោះអាសន្នក្នុងមជ្ឈមណ្ឌលគាំពារសង្គមទីក្រុងហូជីមិញ មុនពេលបញ្ជូនមកកម្ពុជា។
ស្ថានអគ្គកុងស៊ុលកម្ពុជា នឹងជូនអ្នកទាំង១១នាក់ មកកម្ពុជាវិញ នៅព្រឹកថ្ងៃទី ២៤ ខែ កុម្ភៈ ឆ្នាំ ២០១៧ តាមច្រកទ្វារព្រំដែនអន្តរជាតិបាវិត ហើយនឹងបន្តប្រគល់ជូនមន្ទីរសង្គមកិច្ចខេត្តស្វាយរៀង។
ភ្នំពេញ, ថ្ងៃទី ២៣ ខែ កុម្ភៈ ឆ្នាំ ២០១៧
